घरट्यातुनी उडाले
पक्षी पंख फुटलेले
मागे रिक्त उरलेले
घर एकटे एकटे
माय वडिलांची हाक
बोलाविते घराकडे
प्रतिक्षेत डोळे आर्त
लागलेले वाटेकडे
मागे वळा पाखरांनो
घर एकटे एकटे
अंगणात वृक्ष दोन
कसेबसे उरलेले
गळलेली पर्णपाती
भुईवर झुकलेले
सावराया मागे फिरा
घर एकटे एकटे
काळजाला तडे जाती
गळे सदा छप्परही
ममत्व गाभुळलेले
डोकावते खिडकीशी
परत या उभाराया
घर एकटे एकटे
मुक्ता शर्मा
13/3/2009
No comments:
Post a Comment