जिद्द

जरी शोषीले प्रतिबिंब ,
पाण्याने आकाशाचे.
त्या आकाशाला बंधमुक्त करण्याची
जिद्द मनात आहे !

नभोमंडळी गुर्मीत फेकले,
त्याने कण प्रकाशाचे.
सारे समेटुन सूर्य बनवण्याची,
जिद्द मस्तकी आहे!

कोवळे चिताभस्म लेपूनी,
प्रवास काळोखात आहे.
त्या काजळीला तेजदान देण्याची
जिद्द चित्तात आहे !

जिथे संपली ह्या नश्वरतेची
हद्द आहे.
त्या काळालाही गळा भेटूनी,
जिद्द जिंकण्याची आहे !

मुक्ता पाठक शर्मा.
06/05/2012