घननिळा सावळा,
जलदालींचा मेळा,
मेघराजी वेल्हाळा,
बीलगुनी धरणीला, घे जरा विसावा !
खळखळ निर्मळ निर्झर.
आरास पाणी भर्जर .
जणू टाळ चिपळी गजर ,
मिसळुनी त्या सागरा , घे जरा विसावा !
लवलव हरित तरूवर.
कंच पाचूंचा गहिवर ,
फळाफुलांची धरोवर ,
जन्मुनी पुन्हा मातीत, घे जरा विसावा !
आकाश रंग पंखावरी,
पाखर नक्षी नभावरी,
उंच उंच घेई भरारी,
भेदुनी त्या गगना, घे जरा विसावा !
मुक्ता पाठक शर्मा.
Friday, 6 April 2012 at 22:55
No comments:
Post a Comment